山歌 明 · 张凤翼
出处：六十种曲 灌园记 第二十六出
丑牧童上：牧童路上撞娇娘。撞着子娇娘就无主张。
便要替渠树阴底下党介一党。荒草地上横介一横。
弗道渠全弗瞅采。倒捉我来咒骂子介一顿。
抢白子介一场。我满肚皮包尽子个恶气。
又难替渠数黑论黄啰。羌天有知。
幸问起我个簪子。惹动子我个火囤肚肠。
我思量个只簪子。倒是渠个实犯真赃。
若拿笪来换呷酒吃。不如在家主公面前去请子个风光。
我只要燥子我个寡脾胃啰。管打得个丫头满身青膀。
我只要博子个笑脸也啰。管气得家主公肚膨。
没道是我看牛𡇨儿像个羊棚里牯牛自觉大。权时且做一只搅棚羊。
